Intervistuesi: Dua t’iu lus të prezantoheni nëse nuk e keni problem, apo doni që intervista të jetë anonime?

I Intervistuari: Unë quhem Dragan Maksimoviq nga Shillova.

Intervistuesi: Super. Çka ju kujtohet në periudhën para luftës në Kosovë? Ma përshkruani atë periudhë. Si kanë jetuar njerëzit atëherë?

I Intervistuari: Pa, çfarë t’iu them. Ishte e tmerrshme. Njerëzit ishin të shqetësuar, ishin të detyruar t’i braktisin vatrat e tyre sepse ka qenë shumë e vështirë të jetohet në atë periudhë.

Intervistuesi: A ndjeheshin qysh atëherë tensionet, ndonjë presion?

I Intervistuari: Po, si jo, ishim shumë tu sulmuar nga ana e Shqiptarëve. Kishte tensione të mëdha, kishte gjithçka. Kështu që ishim të detyruar t’i braktisim vatrat e tyre. Ishte shumë e tmerrshme.

Intervistuesi: A mund të ma përshkruani gjendjen në periudhën nga viti 1998 deri më 1999, gjegjësisht, gjendjen gjatë kohës së luftës?

I Intervistuari: Paj, kështu, do ua tregoj në vija të shkurtra, në atë kohë ishte shumë rigoroze dhe shumë, të them, ashpër të jetohej në atë periudhë në hapësirën e Kosovës. Pra, kemi qenë të detyruar t’i braktisim vatrat nga ana e Shqiptarëve sepse ishin shumë të ashpër ndaj neve në atë periudhë.

Intervistuesi: Aha. A keni, dhe nëse keni, çfarë presioni keni ndjerë në atë periudhë?

I Intervistuari: Paj, presion kishte non stop.

Intervistuesi: A keni ndjerë presion ndonjëherë që ta braktisni shtëpinë, ta braktisni Kosovën?

I Intervistuari: Pa, si nuk kemi ndjerë. Kemi ndjerë një presion shumë të fortë, për çfarë arsye, sepse për çdo ditë na sulmonin individët të cilit ishim në atë kohëra. Pra, kemi qenë të detyruar ta braktisim.

Intervistuesi: Tash kur lufta është pak më mbrapa dhe kur kemi vazhduar të jetojmë, në një situatë e tillë çfarë është, si jetoni tash? A po frikoheni nga ndonjë situatë e re e krijuar?

I Intervistuari: Paj, çfarë t’iu them?! Koha si kohë ka kaluar, por ato kohëra asnjëherë nuk mund t’i harrojmë, dhe në ditët e sotme po jetojmë, ja sepse duhet të jetojmë, por megjithatë ekziston një frikë.

Intervistuesi: A mund të tejkalohet lufta dhe të lihet në të kaluarën, dhe të vazhdohet me jetën normale në Kosovë?

I Intervistuari: Paj, sipas vlerësimit tim, do të duhej t’i harronim kohërat e kaluara dhe të jetojmë në të ardhmen.

Intervistuesi: Nëse dëshironi të shtoni diçka, urdhëroni.

I Intervistuari: Jo, nuk dua. Kisha kënaqësinë.